好久沒有聊天。
一小時三十八分的電話令我很舒暢。
不單煲好了一次電話粥，也煲好了一堆inside 粥。
很陳奕迅（爛），我知道。

朋友，雖然跟你聊的話來來去去都是我們身邊的事，
但總是不知不覺地聊出很多東西來。
我知道如果不是我們喊停，那個沒完沒了的電話一定會停不下來。
其實我還有很多話想跟你說啊！呵呵呵！
當然都是一堆很箭咀的話，你放心＝ｗ＝

好久沒有聊天。
一小時三分的電話令我很感慨。
一句句的血與淚編織的故事令冷血的我都被感動。
非常容祖兒（可歌可泣）的故事。

朋友，你令我再次相信世間還有永恆的愛。
雖然跟你素未謀面，但我信我們是朋友。
由陌生人口中被讚很成熟是一件很值得驕傲的事，
你令我多了自尊及自信。
你可以給予我的，你同樣可以得到，我信，因為我信你。
我撐你，你是朋友，朋友就是要撐到底。
這樣當朋友才夠徹底！

是，我見到今天的你受傷了。
我知道你會怕。
但請明白它不是每次都會弄傷你的。
從經驗中學習，找到駕馭它的竅門。
你會無師自通的，你會的。
因為我相信，我信。

呢幾日真係低潮到喊。
我講喊，係真係喊。
由iTunes Crashed果一刻開始，
我已經不由自主地喊左勁耐。
因為iTunes過唔到歌落iPod，
失去音樂我成個人冇左半個靈魂。

花左兩日時間去整好個iTunes，
終於畀我整好左，果一刻我好開心。
但係好可怕地，Microsoft Office crashed。
呢樣野比冇左音樂更可怕，
因為所有essay啦，report啦等等ge野，
完全企左係度，咩野檔都睇唔到。
再一次喊，因為呢個損失影響仲大。

再花左一日時間整頓好個Microsoft Office，
好，可以睇番晒d檔案，學業上面唔會影響到，
但係，iTunes再Crash。
想用番上次整好iTunes ge方法，但係已經再唔可以再用。
今次我再喊，我喊係因為我真係崩潰。

話晒平時都都叫錫住黎用，
已經淨係聽歌同睇Youtube，劇果d都唔會睇。
點解呢樣crash完果樣又crash，點解呀！
真係受唔住啦，我真係受唔住啦。

呢排已經受左勁多壓力，我真係再受唔住，
我都唔想我咁軟弱但係我真係再受唔住啦。
我真係好想就咁樣倒下去，倒下去，倒下去。

我都唔係有心要喊但係我都有好多委屈冇講渣。
你想咁咁咁，你想咁咁咁，你又想咁咁咁，
有冇諗過我都想點點點呀？
我都想呀，我都想呀，我都好多野都好想呀！
我真係受夠啦，夠啦，夠啦。
係唔係要到我真係死果時先知做人好多野都唔應該咁過份呀？

就當下我求下你，畀我抖啖氣，好嘛？